Browse other BOOK SERIES

Officina Neolatina

Selected Writings from the Neo-Latin World

Publishing Manager: Bart Janssens
Details List of Publications

ISSN 2565-8786

This book series no longer accepts new proposals

ABOUT

The series' emphasis will be on post-1500 texts, without geographical restriction. It is to be characterised by thorough historical, literary and linguistic exegesis of each text. Each volume will contain Latin text with facing translation; extensive textual, literary and historical notes accompanied by an apparatus fontium; an index nominum et locorum; an index of non-classical words; an introduction containing detailed historical and literary contextualisation, discussion of Latinity, and remarks about editorial policy with regard to orthography, punctuation, etc. Volumes will be published in English, French, German, Italian or Spanish, depending upon the preference of the author(s). Above all, the series will seek to demonstrate and elucidate the historical and literary contexts in which Latin was written, and stress the importance of combining linguistic, literary and historical scholarship to gain a fuller sense of the intellectual culture of the Early Modern world. It is hoped that the format will encourage especially interdisciplinary collaboration between Latinists and early modern specialists in other fields (history, history of medicine, history of science, etc.) in the production of comprehensive editions of seminal works.

Editorial board: Jason Harris (Cork), Hans Helander (Uppsala), Marc Laureys (Bonn), Dirk Sacré (Leuven), Keith Sidwell (Cork)

Domus editoria Brepols anno 2007 novam editionum Latinarum seriem suscipiet divulgandam, cui erit nomen Officina Neolatina: Selected Writings from the Neo-Latin World. Cum inde a litteris renascentibus ingens operum Latinorum copia sudantibus subiecta sit typographorum prelis atque id quidem toto orbe terrarum, ubicumque caelifer Atlas axem humero torquebat, siquidem linguae Latinae, ut sermoni eruditorum, illis temporibus nullae metae rerum, nullae regionum positae erant, series haec nostra omnibus e terris, cunctis e gentibus, omni fere terrarum ex angulo materiem suam libenter sumet.

In qua serie, benevole lector, ea prae ceteris invenies opera, quae saeculis xvi, xvii et xviii a viris et mulieribus eruditis lingua Latina conscripta sunt, sive prelo tum sunt commissa, sive in bibliothecis adhuc inedita delituerunt. Genus autem litterarum excludetur nullum, ne id quidem, quod in scientiis versatur. Speramus enim bibliothecam hanc novam ita confectam speculum quasi quoddam fore saeculorum illorum, cum Europa aevi recentioris suum ingenium suamque ut ita dicamus formam propriam sensim nanciscebatur.

In librorum, qui huius erunt seriei, altera pagina textus Latinos typis excusos reperies, in opposita vero altera eosdem vel Anglice, vel Gallice, vel Germanice, vel Italice, vel Hispanice versos. Singulae autem editiones apparatu critico instructae prodibunt. Editores, philologi docti, primum scaenam historicam operis edendi tibi, benevole lector, in praefatione aperient; deinde notis et commentariis amplioribus scriptum totum tibi explicabunt, eo fine, ut fontes eius sive antiquos sive recentiores investigent, de Latinitate auctoris rationem reddant quibusve verbis, phrasibus, structuris scriptor sit usus clare enarrent. Ad calcem operis offendes indices nominum ac rerum, locorum, locutionum et verborum. Qua in re hoc praecipue cordi nobis est, ut viri docti mulieresque doctae, qui editionem curant, temporum mores, opiniones, condiciones commentariis suis accurate enucleent, totum denique theatrum mundi illustrent, e quo is liber natus est, quem illi edendum curaverunt.

Nullum nobis est dubium, quin opera Latina recentioris aevi ita et edita et versa et illustrata clariorem rebus historicis sint allatura lucem. Nam hoc modo aditus ad illos fontes certus patebit rerum recentiorum studiosis, historiarum indagatoribus, scientiarum historicis, litterarum amatoribus ceterisque viris mulieribusve doctis, qui nunc sunt, sive sermonem Romanum leviter attigerunt sive litteris Latinis penitus sunt imbuti. Commune erit studium, commune et ut ita dicamus interdisciplinare, quod multum conferet ad provehendas disciplinas historicas varias atque diversas. Ianua patebit; multi pertransibunt et augebitur scientia.